Dezole ti cheri si rega nou pa kwaze
Sikonstans yo blije fè nou pa rankontre
Se vre kè m ap rache
Menm oblije
Nan mitan kat poto chanm
Se ak ou m ap panse
Dezole si randevou nou an anile
Wè ou an sekirite
Pou mwen se sa k priyorite
Mwen vle se mwen ki pou santi doulè w
Tanpri pa mande m vin wè w
Dezole ankò cheri
Si m pa ka pwoche vi w
Lavi gen pou pote m ba ou
Lè sa m ap ka bo chevi w
Tout sa nou planifye ranvwaye
Se vre se pat sa nou te swete
Anpil pwojè tonbe nan dlo
Sa pa vle di mwen ba w do
Avan lontan lavi gen pou l reprann cheri
Men pou kounya nou oblije pa sòti
Dezole si m rate anivèsè w
Chak jou nan vi w mwen te vle prè w
Dezole si lavi ba nou sipriz
N ap ret tennfas
N ap bay lanmou nou ti priz
Si de montay pa kontre
Mwen avè w n ap kontre
Menm si se ap yon eklips
Tankou lalin ak solèy
Nou va pran gwo risk
Lè sa nou pap gen somèy
Louis Mikerson
