4 oktòb 2021 se dat majorite lekòl nan fontamara kenbe pou ouvè pòt yo, akòz de ensekirite a ki pa janm bayo souf.
Abitid diferan koulè inifòm,timoun ki sot tout kote, ki pral nan diferan lekòl kon deja nan la ri. p
Pou madi 22 oktòb la, bagay yo diferan. Chofè moto frèt kou mab. Menm ata chany men nan machwè. E li deja 7è 30 nan maten.
Nou Fontamara 27 ri Tèmo #10, gen yon estasyon moto,anfas la gen yon ti mache men sa pa enpeche yon lekòl chita kòl nan mitan kafou a. Baryè a ouvè men sal yo blanch ou ta di se Matisan.
Nan kontinye ap foure je gade nou tonbe sou college union des universitaire (CUUP) bagay yo pa chanje. Direktè lekòl la kise Me.Rodrigue Augustin vle pale ak nou e li di:” bon nou rete pou 4oktòb akoz pwoblem ensekirite, sa lakòz paran yo pè. Direktè kontinye poul di: nou pa sèl lekol ki rete pou 4 oktob la, se majorite nan lekol bò isit”
Institution Mixte Frere Desira (IMFP) se youn nan lekol kite Matisan kap kouri pou bandi, ki refijel nan CUUP la. Ta sanble Fontamara li menm pa gen bandi ankò. De lekol sa yo antann yo pou yonn travay nan maten lòt la menm nan aprè midi.
Si nou ta kwè Direktè CUUP a, majorite lekol nan ba 27 la al chita kò yo lòt kote.
Tankou, Petit Frere de Jesus ki al kafou.
Victor Baroulette k’al fè yon sèl ak Grande College, elatriye
9è 45 nan maten nou rive nan SUNEM, yon lekol ki nan 27 la tou men sa reyini ak plis ke 30 % si nou ta kwè responsab lekol sila. Kèk grenn elèv ap jwe sou lakou a yo pa bann aksè a vizite sal yo.
Men aprè pòt tout lekòl preske lòk wata di lè Me. André Michel te nan opozisyon epi l ap klewonnen barikad se avni nou.
Antouka si mouche Leta pa di anyen, sa ap gen gwo konsekans sou tout moun ki fè aktivite ekonomik douvan lekol sa yo. Lekòl riske disparèt nan Matisan ak Fontamara si otorite yo pa mete eskanp nan figi Leta.
