Ajans près an liy Haïti Post ap prezante w agro Wakenfort Pierre nan ribrik “KIYES OU YE?”. Ribrik sa sipòte pa : CREP – Richard Baudelaire SANDAIRE – Jean Junior HYPPOLITE – CAPOTAB
Kiyès ou ye ?
Mwen se Wakenfort Pierre, mwen fet nan yon lokalite ki rele mowo ki nan 3èm seksyon dèbay nan komin Boukan Kare, depatman Sant. Mwen soti nan yon fanmi ki gen 6 pitit, mwen se 3èm pitit nan fanmi an .
Ki kote w fè etid klasik ou ?
Mwen fè etid klasik mwen nan lekol nasyonal Boukan Kare a. Lekol segondè m nan kolèj sen Michel Boukan Kare ak kolèj evanjelik sekou danwo Mibalè, aprèsa mwen te desann pòtoprens.
Ki kote w fè etid siperyè ou ?
Mwen etidye agwonomi nan : Université centrale des Amériques, enfòmatik nan succès-info, Technique auto-école epi Standard english school .
Koman dènye baton nan men paranw te ye ?
Dènye bâton papa m te banm, se yon dimanch li te panse m legliz epi m te rete ap jwe kat ak kèk zanmi, li te pranm nan jwèt la, m pa kache di nou, m te wè tout koulè sof klè si tèlman m te pran baton. Men jodi a m gen kouraj pou m di ke se te pou byen m.
Kisa ki bon lakay ou ?
Sa ki bon lakay mwen, m renmen ankouraje moun k ap fè sa ki bon, m pa konn dekouraje fasil, m renmen moun .
Lèw te pran premye desepsyon nan viw kijanw te Santiw?
Premye desepsyon m te pran, m te panse lavi a te rive nan bout li, e se te difisil pou mwen poum te aksepte reyalite a, men m te rive reprann mwen .
Kisa agrikilti reprezante pou ou?
Agrikilti reprezante lavi nou, paske se li menm ki tout nou, agrikilti se motè peyi a .
Poukisa w chwazi vin agwonòm ?
M chwazi vin agwonòm pou m pote kontribisyon m nan sektè agrikol la epi bay asistans ak peyizan yo pou yo chanje fason yap travay .
Ki pi Gwo difikilte ou rankontre nan egzèsis pwofesyon w ?
Pi Gwo difikilte m te rankontre, m te envesti ak kèk zanmi nan yon plantasyon, aprè nou fin plante, pat gen lapli pandan 2 mwa, e nou pat gen posiblite pomp awozaj, e zanmi yo pat vle konprann reyalite a .
Siw ta minis agrikilti , ki premye bagay ou t ap fe nan domèn sila a ?
Si m ta minis agrikilti, m tap sansibilize tout kiltivatè pou yo travay plis epi mete mwayen disponib pou yo pou yo travay, konsa n ap sispann achte manje nan lòt peyi .
Kijan ou wè moun ki nan menm domèn ak ou ?
M konsidere tout moun ki nan menm domèn avèm tankou frèm, m gen lanmou ak respè pou yo tout .
Kijanw wè tèt ou nan 10 zan Ankò ?
Nan 10 zan ankò, m ta dwe genyen plizyè fèm agrikol nan plizyè komin epi map bay anpil anplwa ak lajenès .Men si peyi a rete janl ye a la a, nan 10 ankò sa ap tèrib nèt .
Si yon moun ta vle sipòtew kijan l ka fè sa ?
Si yon moun ta vle sipòte m, l ap ekri m oubyen rele m nan 4440-0208
Kisa ki plis make w nan laviw ?
Sa ki plis make m nan lavi m se yon lèt revokasyon nan yon moman m pa t janm espere.
Ki atant ou gen de nouvèl jenerasyon sa a ?
Atant mwen de jenerasyon sa a, se wè jenès la sispann plenyen epi pran baton pèleren nou pou nou chanje sityasyon aktyèl peyi a ap fè fas. Se wè jenès la reprezante nan tèt peyi a, nan chanm depite, nan sena repiblik la epi nan meri yo.
Ki konsèy wap voye pou lajenès ?
Pa kite pèsòn dekouraje nou ak objektif nou yo. Se redi pou n redi travay pou nou reyalize rèv nou genyen yo epi pwofite chak opòtinite lavi a ba nou.🫂
Haïti Post
