Vin li sou koze fi ki mouye Twòp lè yap fè Sèks, sijè sa toujou ap fè pawòl anpil deyò an, gen fi ki konn remake depi yo nik manyen yo kilòt li mouye, yo menm akize a tò medam yo ,gen gason ki di vajen fi an lach, jodya an vin dekouvri verite ,pa neglije pataje tèks sa pou mesye yo ka lil paske anpil fwa yo konn akize a tò medam yo sou dosye sa
Sekresyon Vajinal se yon fenomèn natirèl ki rive lakay fi, gen 2 tip an jeneral, gen sekresyon ki sèvi pou netwaye vajen an, sekresyon sa pèmèt evakye selil ki mouri yo ak lòt jèm mikwòb ke vajen an pa bezwen (nap raple ou ke vajen an netwaye tèt li pou kò li, dayè se pa anndan li ye).
Gen lòt sekresyon ki fèt pandan fi a ap fè sèks oubyen ap karese pou librifye vajen an ,se de li nou pral pale nan tèks jodi a. Sekresyon sa rann posib gras ak sa yo rele Glann Batolen ki sitiye de chak kote 2 tifèy ki nan antre vajen fi a. Pwodwi li bay la rele Siprinn, se òmonn yo ki pèmèt li deklannche pandan faz eksitasyon seksyèl la, li prepare kanal vajinal la pou penetrasyon pou ka fasilite ale-vini pandan sèks la
li konpoze de dlo ak lòt ti flwid natirèl, transparan, li gen preske menm aparans ak likid pre seminal gason an bay la, sa nou rele swente a. Pwodwi sekresyon sa gen yon odè karakteristik pou chak fi, paske li ap melanje ak lòt ti sekresyon anndan vajen fi a.
Men gen fi ki sekrete twòp e sa konn rann yo jennen, kisa ki lakoz sa?
Se yon derègleman òmonal ki lakoz sa, dèfwa se yon pwoblèm nan Tiwoyid, oubyen fi ki gen yon kantite Estwojèn ak Pwolaktin ki wo. Lè konsa vajen an fi a mouye anpil, sa konn rann li jennen e sa redwi nan sansasyon an pafwa paske fwotman an manke fèt, gen fi ki konn menm tande bri ke ale-vini an fè akoz vajen li mouye twòp.
E malerezman gen fi ki soufri envès la ki se vajen twò sèk, pa gen sekresyon, sa pi bay pwoblèm paske li rann rapò seksyèl la boule, fwotman yo fè fi a mal, sansasyon an redwi, nan ka sa konn se yon blokaj sichik nan sèvo moun nan, yon pwoblèm nan Tiwoyid tou, ak diminisyon òmonn yo fwa sa.
Nan tou 2 ka sa yo, fi a dwe konsilte doktè pou konn koz egzak la.
Nan ka fi ki sekrete twòp ou ka siye vajen ou ak yon moso twal pwòp oubyen ti sèvyèt tanzantan pandan rapò seksyèl la.
E pou fi ki gen vajen sèk anpil, ou ka itilize Librifyan pou ede fwotman yo pi byen e redwi nan doulè a.
Sonje toujou ale konsilte, pwoblèm nan ka pi grav e sèks la ou dwe alèz ladan li.
Like a Pataje tèks la lè ou fin li pou ede lòt moun jwenn konesans pou yo sispann akize a tò medam yo
Mèsi
Men lyen paj la! Abone pou pa rate pyès tèks nou
Exama Jean Rodrigue Junior
