Ribrik sa sipòte pa: CREP – Richard Baudelaire SANDAIRE – Jean Junior HYPPOLITE – CAPOTAB
Kiyès ou ye?
Mwen se Emmanuella Dorestal Stfleur.Mwen se 2 zyèm pitit fi fanmi an. Mwen pase pou premyè pitit fi kounia koz premyè a mouri.
Mwen se yon jenn antreprenè ,yon teknisyèn laboratwa, enfimyè, sekouris, kèk jou la mwen sot pran yon fòmasyon kom barwoman ki banm posibilite pwodwi plizyè kalite bwason alkolize. Jounalis, prezantatris, mwen gen fòmasyon sou pwotokòl e kounya map travay sou li kòm asistant nan yon enstitisyon.
Ki kote w fè etid klasik ou?
Mwen fè etid klasik Mwen nan centre d’étude lumière (Carrefour ).
Ki kote w fè etid siperyè ou?
-Mwen fe etid siperyè Mwen nan Institut Sœur Yacinth (ISY). Karade kotem gen yon diplòm kò teknisyènn nan laboratwa.
Koman dènye baton nan men paran w te ye?
Mwen pa sonje lè m te pran dènye baton paske m pa t yon timoun dezòd .
Kijan karyè w te komanse kòm prezantatris?
Karyè Mwen komanse nan radyo limyè tou piti ak yon pakèt gran nan domèn nan kite ede m konnen abc metye avan menm ke m te aprann vole de pwòp zèl mwen,tout fwa mwen te pran fomasyon sou sa.(IFJ)Apresa mwen pase plizyè lot media tankou vision 2000, Ginen épi m te tonbe RSF.
Kisa w gen ki bon lakay ou?
Mwen gen yon pakèt bagay ki bon lakay mwen tankou: Mwen renmen moun, renmen pataje, mwen pa ipokrit, mwen pa kenbe moun nan kè ak anpil lòt bagay.
Nou konnen Mayla chante, eske Mayla gen nouvo mizik k ap prepare? Si wi, kilè l ap soti?
Wi, mwen gen lòt pwojè k ap prepare, mwen konnen gen anpil atant men pa lontan n ap fè yo plezi. Mwen gen 2 mizik k ap soti pou ane sa youn mwen menm sèl, epi yon ft mwen pa vle bay lè, men nou mèt tann n ap sèvi tout moun.
Lè w te pran premye desepsyon nan vi w, kijan sa te ye?
Premye desepsyon m, mwen te kriye anpil paske m t al nan egzamen 6e AF Mwen pat reyisi paske mwen te malad.
Ki pi bèl emisyon ou te prezante pandan karyè ou e nan ki radyo?
Pi bèl emisyon ke mwen te realize sete an 2017 avec ansyen prezidan peyi a Joseph Michel Martelly kote malgre m t ap pran presyon nan men bòs la menm te byen pase mwen pa vle site nom medya.
Kijan ou wè medya nan peyi a?
Mwen pa kategorize yo,men medya Ayiti pa gen yon bèl vizaj menm. Twòp abolotcho politize l mwen p ap di plus.
Poukisa Mayla fè retrè nan radyo?
Aprè lanmò gran sè epi demisyon mwen nan RSF, Mwen fè yon gwo retrè nan medya mwen te vin santi m deprime. Lanmò a ale ak yon bò fanmi e jiska prezan aprè 9 mwa, nou poko ka aksepte sa, men sak te fè retrè a.
Kilè piblik chouchou Mayla ap rejwenn li nan yon emisyon ?
Yon lot fwa mwen pap di kilè, men byento nan yon titan tou kout nap rewè ti bout chou nou an sou ekran anko
Ginen oubyen RSF ki pi bèl moman ou pase nan radyo sa yo?
Ginen oubyen RSF tou lè 2, paske yo chak aprann mwen anpil bagay nan karyè m.
Pi bèl moman nan Ginen sete moman kanaval yo, moman sa yo te aprann mwen kijan mwen renmen metye a, egzanp mwen konn fini fè kanaval delma a 1nè nan maten epi ekip la file jakmèl nan rive 3zè, 4trè yon ti poze 2zè epi rebalanse pou x… Mwen te santi m byen, paske m renmen sa map fè a, e mwen vle fèl byen.
Pou RSF sete jan nou te makonen ansanm nan emisyon yo, soti ansanm yo ak manje ansanm yo.
Ki atant ou gen de nouvèl jenerasyon sa a ?
Se yon jenerasyon ki rich nan resous paske yo gen teknoloji, yo gen entènèt ak tout lòt mwayen kominikasyon yo men lè n gade jan yap itilize mwayen yo li parèt enkyetan.
Kisa ki plis make w nan lavi w?
Wow 😭😂se 2 bagay wi
1-lanmo gran sèm.
Li se yon kout kouto kap senyen mwen depi 10 jwen 2021 pase a.
2-epi nan 10 octob 2021 pou retire enpe nan tristès la fiyanse m a lepòk mande m maryaj donk sete yo kite make m anpil sitou li te fèl anndan legliz.
Ki konsèy w ap voye pou lajenès ?
Aprann devlope kapasite yo nan yon aktivite ki pozitif, fè tèt yo konfyans epi envesti nan tèt yo, pi gwo bagay la se pasyans pandan wap aprann.
Haïti Post
