Koperativ pou Devlopman Sant (KOSODES) remèt meri Laskawobas kle yon labatwa nan mache piblik la jounen madi 12 Jiyè a an prezans tout ajan enterimè yo, plizyè responsab koperativ la ak plis sitwayen nan komin nan ki aplodi jès sila a.
Sagesse St Louis, prezidan KOSODES deklare: “Bèt ap tiye nan kondisyon ki pa nòmal. Yo toujou di KOSODES se pou pèp la ebyen l ap akonpanye popilasyon an”.
Sitwayen vil la pa t bouke bat bravo lakontantman pou jès sila a e pwofite okazyon an pou remèsye enstitisyon an e mande lòt enstitisyon yo swiv tras KOSODES pou ede komin nan vanse.
Direktè KOSODES la, Jonathan Gaspar te tou ankouraje moun ki te prezan yo fè kanè nan KOSODES pou kès la ka retounen sèvis la ba yo.
Wisnic RONDEAU
