Je fèmen anndan yon sèkèy
Tafya,gwòg gen tan pèdi nan vèy
Tristès anvayi plizyè riyèl
Pase nan kafou pou obsève rityèl
Yon pasaj oblije
Ki bay anpil dlo nan je
Menm si w te renmen fè zèv
Nou chak gen yon zanno kay òfèv
Simityè pa gen mèt
Lanmò pa yon jwèt
Yon senp mal vant,mal do
Sifi pou w fè vwèl peyi san chapo
Lavi pa gen chans,pa gen devenn
Sezisman fè w bwè te venvenn
Antèman pa chante ak koulè ogou
San lawon goch ak dwat antere nan yon twou
Yon vwayaj san avyon,san bato
Pou peyi san chapo
Nanpwen moun ki ale ki tounen
Nanpwen moun tou ki konnen
Kalite sekrè lanmò kache
Kalite bèl rèv ki gache
Se yon pwomès nou tout gen pou ale
Nan peyi san chapo
Kit ou pat prepare
Mikerson Louis 📌
