Pou jan Leta trase kata
Pou l voye nou anba tè
Si nou poko mouri
E sanwont nou sanwont
Leta ankadre w sèlman lè w mouri
Lavi w pa enpòtan pou li
Nou livre ak nou menm
Nan mitan yon pakèt tèt san kò
Menm Leta sezi
Lè l wè nou tout pa gen tan mouri
Pito nou lèd nou la
Ebyen nou lèd vre ui!
Nou fin tounen zonbi
Atò menm sèl pap ka ba n lespri
Pase nan palman na wè plezi mesye dam yo
Pandan n ap brave danje
Figi nou fè pli
Tankou timoun k ap kriye pou pen
Se nòmal pou tansyon n moute
Paske yon ti kafe nan paleman koute milyon
Se sou kat moso planch
Yo konstwi rèv isi
Machin ensekirite a
Pase sou ray devlopman
Fènwa boude rèv nou
Se kochma ki rete dan griyen
K ap fè nou grimas
Nou pran nan zip
Nou pran nan twa wa.
Louis Mikerson
